ភ្នំពេញ៖ មន្ត្រីចំនួន ៥រូប ត្រូវបានព្រះមហាក្សត្រ ព្រះករុណាព្រះបាទសម្តេចព្រះបរមនាថ នរោត្តម សីហមុនី តែងតាំងជាអនុរដ្ឋលេខាធិការក្រសួងសង្គមកិច្ច អតីតយុទ្ធជន និងយុវនីតិសម្បទា។ នេះបើតាមព្រះរាជក្រឹត្យដែលព្រះមហាក្សត្រទ្រង់ឡាយព្រះហត្តលេខានៅថ្ងៃទី១៦ ខែឧសភា ឆ្នាំ២០២៣។
មន្ត្រី ៥រូបនោះ មានលោក ឈឹម វាសនា លោក សិទ្ធី សាមឺឌី លោក ឡាយព្រហស្ថ ហនុរាម លោក វីរ៉ូ សុរាជ និងលោក វ៉េង រិទ្ធិស័ក្តិ។
ក្នុងព្រះរាជ្យក្រឹត្យ មាត្រា២ បានឱ្យដឹងថា នាយករដ្ឋមន្ត្រីកម្ពុជា ត្រូវទទួលបន្ទុកអនុវត្តព្រះរាជក្រឹត្យនេះចាប់ពីថ្ងៃឡាយព្រះហត្តលេខាតទៅ៕
